“Centrum Air” yangi Airbus A321NEO samolyotini sotib oldi

“Centrum Air” aviakompaniyasi o‘z parkidagi o‘n birinchi va NEO oilasining beshinchi vakili bo‘lgan yangi o‘rta masofali Airbus A321NEO samolyotini sotib oldi.

UK32132 ro‘yxat raqamli Airbus A321-253NX layneri “Airbus” ning Gamburgdagi zavodida ishlab chiqarildi. Buyurtmachiga topshirilishidan oldin u barcha zarur zavod sinovlaridan o‘tdi, jumladan, 8-iyulda 2 soat 25 daqiqa davom etgan namoyish parvozida barcha asosiy tizimlarning ishlashi tekshirildi.

Samolyot yaxshilangan yoqilg‘i samaradorligi va past shovqin darajasi bilan ajralib turadigan CFMI LEAP-1A33 dvigatellari bilan jihozlangan. Layner aviakompaniyaning maxsus livreyasiga bo‘yalgan bo‘lib, yaqin kunlarda xalqaro va mintaqaviy yo‘nalishlarda parvozlarni amalga oshirishni boshlaydi.

“Centrum Air” o‘z flotini rejali ravishda kengaytirishni davom ettirmoqda: 2025-yil oxiriga kelib uning tarkibida 14 ta, 2026-yil oxiriga kelib esa 21 ta havo kemasi bo‘ladi.