Xitoy korporatsiyasi Buxoro viloyatida shamol elektr stantsiyasini qurmoqchi

Xitoyning «Liaoning Lide» korporatsiyasi Buxoro viloyatida 600 MVt quvvatga ega shamol stansiyasini qurishni rejalashtirmoqda. Bu haqda kompaniya vakili Jang Jinming «O’zbekiston 24»ga bergan intervyusida ma’lum qildi.

Vakil bu O’zbekiston va Xitoy o’rtasidagi eng yirik energetika loyihalaridan biri bo’lishini va bu kelishuvga Toshkent investitsiya forumida erishilganini ta’kidladi.

Bundan tashqari, u Buxoro viloyatidan Samarqand viloyatigacha 269 km elektr uzatish liniyalari bo’yicha joriy loyihani eslatib o’tdi.

Kapital.uz O’zbekiston prezidenti Buxoroda gaz-kimyo majmuasi qurilishini yo’lga qo’yganini yozgan edi.