Buxoroda logistika markazi o’z faoliyatini boshladi

Buxoro viloyatining «Olot» bojxona postiga tutash hududda qiymati $20 mlnni tashkil etadigan logistika markazi o’z faoliyatini boshlad. Bu haqda UzA xabar bermoqda. 

Markaz faoliyati «Euroasia Transportation and Logistics Company» MCHJ negizida yo’lga qo’yilgan, oylik quvvati 745 ta transport tashish uchun mo’ljallangan.

Loyiha «Solakorovul» mahallasida amalga oshirilmoqda, u yerda 28 gektar yer ajratilgan. 2023-2024 yillarda 16 ta obyekt qurilishi rejalashtirilgan.

Qurilishning birinchi bosqichida 10 gektar maydondagi uchastka betonlashtirildi va avtoturargoh qurildi. Ikki qavatli mehmonxona, 457 kvadrat metr maydondagi omborxona, kafe, do’kon va avtomobil xizmati qurildi.

Logistika markazida nazorat punkti, ikkita ma’muriy bino, 6 ming kvadrat metr maydondagi ombor va nazorat guruhi uchun xonalar mavjud.

Yaqin kelajakda qo’shimcha yuk mashinalari to’xtash joyi, sanitariya-karantin zonasi va yong’in nasos stantsiyasini qurish rejalashtirilgan. Markaz hozirda 900 dan ortiq yuk mashinalarini joylashtirishi va haydovchilarga xizmat ko’rsatishi mumkin.