Bitkoin narxi $69 mingdan oshdi

Joriy yilning 29-iyulidan buyon bitkoin narxi kuzgi rekord darajani qayd etdi. Bu haqda “CoinDesk”dan ma’lum bo’ldi.

21-oktyabr kuni bitkoin bir kunda 0,5%ga, bir haftada esa 8,1%ga qimmatlashgan. Uning kripto bozoridagi ustunligi esa 58,37% ga yetdi.

Texnik tahlillarga ko‘ra, bitkoin o‘zining tarixiy eng yuqori nuqtasini bosib o‘tishga va $80 minglik darajaga ko‘tarilishga tayyorlanmoqda, deydi ekspertlar. Biroq, ekspertlar o‘zgaruvchanlikning kuchayishi va narxlarning orqaga qaytishi muqarrar ekanligi haqida ham ogohlantirmoqda.

Eslatib o’tamiz, 5 avgust kuni Bitcoin kursi 2024 yil yanvar oyidan boshlab minimal qiymatni yangilab, $50 mingdan pastga tushgan edi.