Raqobat qo’mitasi chakana sotuvchilardan bayramda narxlarini barqarorlashtirishni talab qildi

Raqobat qo‘mitasi Yangi yil bayrami oldidan oziq-ovqat narxlarini barqarorlashtirish maqsadida mamlakatning 8 ta yirik chakana savdo tarmoqlari vakillari bilan uchrashuv o‘tkazdi.

Uchrashuv mashhur chakana savdo tarmoqlari, xususan, “Korzinka”, “Makro”, “Havas”,  “Baraka”, “Magnum”, “Assorti”, “B1” va “Magnit” kabi kompaniyalar ishtirokida bo‘lib o‘tdi. 

Yig‘ilganlar ijtimoiy ahamiyatga ega mahsulotlarning narxiga ta’sir etuvchi omillar, ularni barqaror saqlash choralarini muhokama qildi. 

Shuningdek, Qo‘mita bayram arafasida savdo tarmoqlaridan narxlarning oshishiga olib kelishi mumkin bo‘lgan har qanday omillar to‘g‘risida tezkor xabardor qilish va asossiz narx oshirishlarga yo‘l qo‘ymaslikni talab qildi.