O’zbekistonda avtoraqam savdosi uch baravarga oshdi

Joriy yilning yanvar-iyun oylari mobaynida O’zbekiston respublika tovar-xomashyo birjasining elektron savdo tizimida onlayn-auksionlar orqali 426,2 mlrd so’mga 104,9 mingdan ortiq avtomobil raqamlari sotilgan. Bu haqda saytning matbuot xizmati xabar berdi.

Sotilgan avtoraqamlar soni va ularning umumiy qiymati uch baravar oshdi. Xaridorlar orasida 97% jismoniy shaxslar, 3% esa yuridik shaxslardir. Sotilgan avtoraqamning minimal narxi 1,7 mln so’mni, eng yuqori narxi esa 517,1 mln so’mni tashkil etdi. 

Shuningdek, 3,2 mingta avtoraqam 13,1 mlrd so’mga sotildi, bu o’tgan yilning shu davriga nisbatan ikki baravar ko’p.