Fevral oyida O’zbekistonda avtomobillarga talab kamaydi

Bundan tashqari, chet el avtomobillari savdosi yiliga 15%ga oshdi

Фото: Абдумавлон Мадмусаев / Kapital.uz

Fevral oyida sotilgan yengil avtomobillar soni 109,7 mingtaga yetdi. Yillik o’lchovda yengil avtomobillarning bozori 5,6% ga kamaydi. Bu iqtisodiy tadqiqotlar va islohotlar markazi ekspertlari tahlilidan ma’lum bo’ldi.

O’zbekistonda fevral oyida umumiy barcha transportlar savdosi soni 115 mingdan oshdi. Umumiy hisobda yil davomida avtomobil bozori 6,3%ga kamaydi.

Birlamchi avtomobil bozori

Bir oy ichida birlamchi avtomobil bozoridagi sotuvlar soni qisqarib 26 mingdan ko‘proq avtomobilni tashkil etdi. 2023 yilga nisbatan birlamchi yengil avtomobil bozorida savdolar 8,4% ga oshdi.

Shuningdek, 23,5 mingta yurtimizda ishlab chiqarilgan yengil avtomobillar sotildi, bu o’tgan yilning shu davriga nisbatan 7,7%ga ko‘pdir.

Xorijiy avtomobillar

Bir yil ichida xorijiy avtomobillar savdosi 15,6%ga oshdi. Fevral oyida 2,7 mingta yangi xorijiy avtomobillar sotildi.

Elektromobillar bozori

Yil boshida elektromobillarga bo’lgan qiziqish biroz pasaygan bo’lsa-da, yangi yengil elektromobillar savdosi yiliga uch baravarga oshdi.