Vengriyaning «iCell» kompaniyasi Toshkentda «aqlli avtoturargoh» yaratmoqchi

Vengriyaning «iCell» kompaniyasi Toshkentda avtoturargohlarni boshqarish loyihasini amalga oshirishni rejalashtirmoqda. Bu haqda «Dunyo» axborot agentligi xabar bermoqda.

Loyiha to’xtash joylarini topish, bron qilish va to’lash uchun yuqori texnologiyali sensorlar va mobil ilovalarni joriy etishni o’z ichiga oladi. 

Kompaniya mutaxassislari bir yildan ortiq vaqt davomida loyihani samarali amalga oshirishning mumkin bo’lgan variantlarini o’rganib chiqdilar va mamlakatning shartlari va xususiyatlarini hisobga olgan holda maxsus taklif tayyorladilar. 

Loyihani amalga oshirishning muhim jihati respublikaning amaldagi qonunchiligiga huquqbuzarliklar uchun ma’muriy sanktsiyalar, ularning qarorlari va yo’l harakati qatnashchilarining huquq va majburiyatlarini aniq belgilash bilan bog’liq o’zgartirishlar kiritish ekanligi ta’kidlandi.

«iCell» dasturiy ta’minotni ishlab chiqish va turli xil texnologiya va telekommunikatsiya sohalarida xizmat ko’rsatishga ixtisoslashgan kompaniya. Kompaniyaning asosiy faoliyati parklarni boshqarish, aqlli mashinalar yechimlari, IoT xizmatlar, energiya va infratuzilmani boshqarish va turli sohalar uchun dasturlarni ishlab chiqish. Hozirgi vaqtda kompaniya Toshkentda avtoturargoh tizimini avtomatlashtirish bo’yicha taklif ishlab chiqmoqda.