Apple uzoq kutilgan taqdimotini o‘tkazdi

Joriy yilning 9 sentabr kuni Apple taqdimot o‘tkazgani to‘g‘risida xabar bergan edik. Shuningdek taqdimotda Apple Watch’ning yangi avlodi va AirPods Pro 3 ham taqdim etildi.

Apple Watch’ning yangi avlodi

Apple o‘zining aqlli soatlar qatorini yangiladi va Apple Watch Series 11, Watch Ultra 3 hamda Watch SE 3’ni taqdim etdi.

Asosiy model — Series 11 yanada yorqinroq displey va yaxshilangan ishlash samaradorligiga ega bo‘ldi. Apple Watch Ultra 3 esa Apple Watch tarixidagi eng katta displeyga ega bo‘lib, unda sun’iy yo‘ldosh orqali aloqa qilish funksiyasi paydo bo‘ldi. Bu ularni ekstremal sayohatlar uchun ajralmas vositaga aylantiradi.

Eng arzon model — Watch SE 3 ancha tezkor ishlay boshladi. Endi barcha uchta modelda Apple Intelligence funksiyasi mavjud bo‘lib, foydalanuvchilarga sog‘liqni saqlash va fitnes bo‘yicha shaxsiylashtirilgan tavsiyalarni taqdim etadi.

Narxlar:

 • Apple Watch Series 11 — $399 dan boshlab,

 • Watch Ultra 3 — $799 dan boshlab,

 • Watch SE 3 — $249 dan boshlanadi.

AirPods Pro 3: ovoz, intellekt va sog‘liq

Apple, shuningdek, yangi simsiz quloqchinlarini — AirPods Pro 3’ni ham namoyish qildi

Ular yanada ixcham dizayn va shovqinni samarali bostirishni oshiradigan yangi chip bilan jihozlangan. Apple Intelligence integratsiyasi tufayli endi quloqchinlarda nutqni real vaqt rejimida tarjima qilish funksiyasi mavjud.

Bundan tashqari, AirPods Pro 3 birinchi marta puls va tana haroratini kuzatuvchi datchiklar bilan ta’minlandi.

Narxi: AirPods Pro 3 — $250 dan boshlanadi.