Amerika kompaniyasi O’zbekiston uchun oltita Pilatus PC-12 samolyotini ta’mirlaydi

Loyiha summasi deyarli $65 mlnga baholanmoqda

Amerikaning Sierra Nevada Co., LLC kompaniyasi, PC-12 samolyotlarini O’zbekistonda foydalanishga qaytarish uchun $64,2 mlnlik shartnoma oldi. Bu haqda AQSh mudofaasi vazirligi xabar berdi.

Ushbu shartnoma ilgari tuzilgan shartnomaning bir qismi bo’lib, yetkazib berish muddati va miqdori noaniq bo’lgan (FA8691-21-D-1020) va samolyotlarni xizmatga qaytarish va O’zbekistondagi oltita PC-12 uchun logistika yordamini o’z ichiga oladi.

Ishlar O’zbekistonda amalga oshiriladi va 2027-yil 7-avgustga qadar yakunlanishi kerak. Shuningdek, shartnoma O’zbekistonga xorijiy harbiy savdolarni ham o’z ichiga oladi.