“Aloqabank” yoshlar bankiga aylantirilishi uchun $200 mln ajratiladi

Bugun, 14-fevral kuni, Prezident Shavkat Mirziyoyevning yoshlar bilan muloqoti chog‘ida “Aloqabank” yoshlarning biznes loyihalarini qo‘llab-quvvatlaydigan “yoshlar banki”ga aylantirilishi va buning uchun $200 mln ajratilishi e’lon qilindi.

Bank o‘zini o‘zi band qilgan yoshlar loyihalari uchun 100 mln so‘mgacha 7 yil muddatga imtiyozli mikroqarz ajratadi. Bank kreditlarining kamida 30% xotin-qizlar tadbirkorligi uchun yo‘naltiriladi.

Shuningdek, yakka tartibdagi tadbirkor bo‘lgan, kamida 20 nafar yoshni ishga olib, kichik korxona ochgan va o‘quv markazi tashkil qilgan yosh tadbirkorlarga 7 yil muddatga 5 mlrd so‘mgacha imtiyozli kredit beriladi.