Bu yil aholiga salkam 12 trln so’m ipoteka krediti ajratilgan

Joriy yilning o’tgan 9 oyi davomida aholiga ajratilgan ipoteka kreditlari hajmi 11,7 trln so‘mni tashkil etdi. Bu haqda Markaziy bank xabar berdi.

Respublika bo’ylab 42 ming 790 nafar fuqaroga ipoteka kreditlari rasmiylashtirilgan bo’lib, eng yuqori ko’rsatkich Toshkent shahriga — 3,5 trln so’m, eng kam ko’rsatkich esa Sirdaryo viloyatiga — 171,9 mlrd so’mga to’g’ri kelgan.

O’zbekiston banklari ipoteka kreditlash uchun 3,7 trillion so’m mablag’ ajratdilar. Mablag’larning katta qismi — 6,7 trln so’m iqtisodiyot va moliya vazirligi tomonidan ajratildi, yana 1,2 trln so’m esa O’zbekiston ipotekasini qayta moliyalashtirish kompaniyasi tomonidan taqdim etildi.

Shuningdek, aholiga ajratilgan kreditlarning 65% birlamchi bozordagi uylar xaridiga, qolgan 35% esa ikkilamchi bozordagi uylar xaridiga sarflangan.