O’zbekiston Afg’oniston energetikasiga $1 mlrd sarmoya kiritadi

O’zbekiston va Tolibon ma’muriyati Jauzjan va Faryob viloyatlarida To’ti-maydon gaz konini qazib olish bo’yicha $1 mlrdlik shartnoma imzoladi. Bu haqda Afg’onistondagi iqtisodiy masalalar bo’yicha bosh vazir xabar bermoqda.

Mamlakat birinchi yilda $100 mln sarmoya kiritib, o’n yil davomida butun summani investitsiya qiladi. Shuningdek, respublika ikki yil ichida 100 MVt quvvatga ega issiqlik elektr stansiyasini quradi. Shartnoma Abdul Gani Baradar va O’zbekiston maxsus vakili Ismatulla Irgashev ishtirokida imzolandi.