«Accor» Toshkentda yana bir mehmonxona ochadi

«Accor» mehmonxonalar guruhi «Dreams Island LLC» bilan «Alfraganus Mall» savdo va ko’ngilochar majmuasi doirasida yangi «ibis» mehmonxonasini ishga tushirish to’g’risida shartnoma imzoladi. Bu haqida Kapital.uz’ga kompaniya matbuot xizmati xabar berdi.

«Alfraganus Mall» majmuasida mehmonxonaning yaxshi joylashishi va «ibis» xalqaro brendining kuchi O’zbekiston mehmonxona bozorida nafaqat sayyohlar va ishbilarmon sayohatchilar, balki mahalliy aholi orasida ham talab qilinadigan noyob taklifni yaratadi, – deydi «Accor New East Europe» bosh direktori Aleksis Delaroff.

«Ibis Tashkent Alfraganus Mall» mehmonxonasida 200 ta xona, jumladan, zamonaviy uslubda tayyorlangan balkonli premium variantlar mavjud bo’ladi. Shuningdek, u konferentsiya xonalari, restoran va barni o’z ichiga oladi. Mehmonlar «All — Accor Live Limitless» sodiqlik dasturidan foydalanishlari mumkin.

Mehmonxona 2027 yilda ochilishi rejalashtirilgan.

«Accor» 5,6 ming mehmonxona, 10 ming restoran va bar, shuningdek, dunyoning 110 dan ortiq mamlakatlarida joylashgan sog’lomlashtirish markazlari va kovorkinglar portfeliga ega bo’lgan eng yirik mehmonxona guruhidir.