Qozog’iston O’zbekistonga 75 ming tonna Rossiya neftini tranzit qildi

Aprel oyida yana 50 ming tonna neftni tranzit qilish rejalashtirilgan

Фото: «ТАСС»

Birinchi chorakda Qozog’iston 75 ming tonna Rossiya neftini O’zbekistonga yetkazib berdi. Bu haqda «KaztransOil» kompaniyasining matbuot xizmati xabar bermoqda.

Aprel oyida ushbu yo’nalish bo’yicha neft tranziti hajmi 50 ming tonnani tashkil etadi.

Joriy yilda Rossiya neftining O’zbekistonga «KaztransOil» kompaniyasining magistral neft quvurlari orqali umumiy hajmi 550 ming tonnagacha tranzitini ta’minlash rejalashtirilgan.

2023 yilda kompaniya O’zbekistonga 154,3 ming tonna Rossiya neftini tranzit qildi.

Kapital.uz Qozog’iston bu yil O’zbekistonga 550 ming tonna Rossiya neftini tranzit qilishni rejalashtirayotganini yozgan edi.