2025-yilning 7 oyida 4,3 mln dan ortiq o‘zbekistonlik xorijga safar qildi — Statistika qo‘mitasi

Milliy statistika qo‘mitasi ma’lumotlariga ko‘ra, 2025-yil yanvar-iyul oylarida 4,3 mlndan ziyod O‘zbekiston fuqarolari turistik maqsadlarda chet elga chiqqan.

Bu ko‘rsatkich o‘tgan yilning mos davriga nisbatan 954,4 ming nafarga yoki 28,2% ga ko‘paygan.

Joriy yilning 7 oyida chet elga safar qilgan o‘zbekistonliklar soni mamlakatlar bo‘yicha quyidagicha taqsimlandi:

• Qirg‘iz Respublikasi — 1,91 mln nafar;

• Qozog‘iston — 799 ming nafar;

• Tojikiston — 754 ming nafar;

• Rossiya — 274 ming nafar;

• Saudiya Arabistoni — 151 ming nafar;

• Turkiya — 141 ming nafar;

• BAA — 82 ming nafar;

• Misr — 38 ming nafar;

• Vyetnam — 22 ming nafar;

• Xitoy — 204 ming nafar;

• Boshqa davlatlar — 132,3 ming nafar.