So‘nggi 5 yilda O‘zbekistonda investitsiyalar hajmi 2,8 barobar oshdi

Milliy statistika qo‘mitasi ma’lumotlariga ko‘ra, 2025-yil yanvar–sentabr oylarida iqtisodiyot va ijtimoiy sohani rivojlantirish uchun barcha moliyalashtirish manbalari hisobidan 443,6 trln so‘m miqdorida asosiy kapitalga investitsiyalar o‘zlashtirilgan.

Bu ko‘rsatkich 2024-yilning shu davriga nisbatan 15,2% ga, so‘nggi besh yil ichida esa 2,8 barobar oshgan.

Mazkur davrda o‘zlashtirilgan xorijiy investitsiya va kreditlar hajmi $34,5 mlrdni tashkil etgan.

Xorijiy investitsiya va kreditlarning tarmoqlar kesimidagi ulushi quyidagicha taqsimlangan:

• ishlab chiqarish sanoati — 32,9%;
• elektr va gaz ta’minoti — 18,4%;
• tog‘-kon sanoati — 12,2%;
• qishloq xo‘jaligi — 9,1%;
• suv ta’minoti va kanalizatsiya — 1,8%;
• qurilish sohasi — 6,1%;
• tashish va saqlash — 5,3%;
• axborot va aloqa — 0,9%;
• sog‘liqni saqlash — 1,7%;
• boshqa faoliyat turlari — 11,6%.