O’zbekistonda yil oxirigacha 48 ta metro vagonlari sotib olinadi

O’zbekistonda yil oxirigacha 48 ta zamonaviy metro vagonlari, 2025 yilda esa yana 56 ta vagon sotib olish rejalashtirilgan. Bu haqda “Toshkent metropoliten” matbuot xizmati xabar bermoqda.

Yangi vagonlar kelishi bilan 3 oy ichida poyezdlar soni ko’payadi, bu esa Chilonzor, O’zbekiston, Yunusobod va halqa yer usti liniyalarida harakatlanish oralig’ini hozirgi 4-9 daqiqa o’rniga 2-3 daqiqagacha kamaytiradi.

Shuningdek, so’nggi olti yil ichida metro uzunligi 33 km ga oshgani va 21 ta yangi stansiya ochilgani qayd etildi.