Namangan viloyatida $4 mlrdlik investitsiya loyihalarini amalga oshirish rejalashtirilgan

Namangan viloyatida umumiy qiymati $4 mlrd bo’lgan 47 ta investitsiya loyihasi ishlab chiqilgan. Bu haqda prezident matbuot xizmati xabar bermoqda.

25 mart kuni prezident Shavkat Mirziyoyevga umumiy qiymati $2,3 mlrd bo’lgan 17 ta loyiha taqdim etildi.

Investorlar Rossiya, Xitoy, Turkiya, BAA, Frantsiya, Germaniya, Avstriya, Italiya, Gollandiya, Eron, Pokiston va boshqa mamlakatlarning kompaniyalari bo’lib, qurilish materiallari, elektrotexnika, kimyo, to’qimachilik va oziq-ovqat sanoati, farmatsevtika, tibbiyot, tog’ – kon sanoati, baliqchilik va boshqalar.

Chust tumanida Xitoy bilan hamkorlikda mis qazib olish va qayta ishlash, To’raqo’rg’on tumanida pokistonlik investorlar bilan birgalikda sintetik mato ishlab chiqarish va bo’yashni tashkil etish, shuningdek, travmatologiya markazini Avstriya kompaniyasi bilan birgalikda jihozlash ko’zda tutilgan. Hammasi bo’lib 47 ta loyihani amalga oshirish 40 mingdan ortiq ish o’rinlarini yaratishga imkon beradi.