2025-yilda O‘zbekistonda o‘zlashtirilgan investitsiyalar hajmi $43,1 mlrdga yetdi

2025-yilda O‘zbekistonda o‘zlashtirilgan investitsiyalarning umumiy hajmi $43,1 mlrdni tashkil etdi. Bu ko‘rsatkich 2024-yilga nisbatan 24% ga oshgan.

Investitsiyalar tarkibida asosiy ulush to‘g‘ridan-to‘g‘ri xorijiy investitsiyalar hissasiga to‘g‘ri kelib, ularning hajmi $38,2 mlrdni tashkil etdi. Shuningdek, xalqaro moliya institutlari mablag‘lari hisobidan $4,9 mlrd jalb etildi.

2025-yilda investitsiyalar bo‘yicha TOP-5 hamkor davlatlar quyidagilar bo‘ldi:

• Xitoy — $4,9 mlrd;
• Rossiya — $4,8 mlrd;
• Turkiya — $2,6 mlrd;
• Saudiya Arabistoni — $2,5 mlrd;
• Birlashgan Arab Amirliklari — $1,5 mlrd.