Chinozda 18 mlrd so’mlik zamonaviy markaz ishga tushdi

Toshkent viloyatining Chinoz tumanida zamonaviy gastronomik, turistik va logistik markaz foydalanishga topshirildi. Bu haqda viloyat matbuot xizmati xabar berdi.

Majmua umumiy qiymati 18 mlrd so’mlik restoran, hostel, hammom, avtoturargoh va avtoyuvish shoxobchalaridan iborat.

Loyihaning ikkinchi bosqichi 2025-yil 1-yanvarga qadar yakunlanadi. Bu davrda 200 ta avtomobilga mo‘ljallangan keng avtoturargoh, katta yuk mashinalari va yengil mashinalar uchun avtoyuvish hamda texnik xizmat ko‘rsatish punktlari tashkil etilishi rejalashtirilgan.

Markaz xalqaro yuk va yo‘lovchi transportlari uchun qulay shart-sharoitlar yaratib, hududning turizm va iqtisodiy imkoniyatlarini kengaytirishga xizmat qiladi.