Andijon viloyatida $1,7 mlrdlik loyihalar amalga oshirila boshladi

Prezident Shavkat Mirziyoyev Andijon viloyatida amalga oshirilishi rejalashtirilgan yirik loyihalar taqdimotini o’rganib chiqdi. Bu haqda davlat rahbarining matbuot xizmati xabar bermoqda.

Xitoy investorlar bilan birgalikda Andijon viloyatida umumiy qiymati $1,7 mlrd bo’lgan 26 ta loyiha amalga oshirilmoqda:

• energiya;
• elektrotexnika;
• mashinasozlik;
• to’qimachilik ishlab chiqarish;
• qurilish materiallari;
• farmatsevtika, qishloq xo’jaligi;
• ta’lim;
• infratuzilma.
  

Ushbu loyihalar orasida mini-gidroelektr stansiyalari, turar joy va dam olish komplekslari qurilishi, elektrobuslar va tegishli akkumulyatorlar, chinni tosh buyumlar va beton panellar ishlab chiqarish, dori vositalari ishlab chiqarish, shuningdek, gilos, meva va boshqa ekinlar yetishtirishni rivojlantirish kiradi.