O’zbekistonda so‘nggi 10 oy ichida qancha avtomobil ishlab chiqarilgani ma’lum bo’ldi

O‘zbekiston avtomobil ishlab chiqarish sanoatida 2024-yilning yanvar-oktyabr oylarida jami 338,195 ming yengil avtomobil ishlab chiqarilgan. Bu haqida Statistika agentligi xabar berdi.

Ma’lumotlarga ko‘ra, 2024-yilda sotuvga tayyorlangan yengil avtomobillarning 134,581 mingtasi “Cobalt” hissasiga to‘g‘ri kelmoqda. Bu barcha modellar ichida eng ko‘p miqdor hisoblanadi.

Shuningdek, 2023-yilda 118,93 mingta “Cobalt” ishlab chiqarilgan bo‘lsa, 2022-yilda esa bu raqamlar 90,239 mingtani tashkil qilgan. 

Keyingi o‘rinlarda “Damas” (80,541 ming) va “Tracker” (35,283 ming) nisbatan ko‘p ishlab chiqarilgan.

• Shu bilan birga:
  
• “Onix” – 29,094 ming;
  
• KIA – 17,054 ming;
  
• “Lacyetti-Gentra” – 12,837 ming;
  
• “Chery” – 5,950 ming;
  
• “Haval” – 2,317 ming;
  
• “Lada” – 6 ta;
  
• Maxsus yengil avtomobillar – 20,532 mingtani tashkil qilmoqda.