O‘zbekiston Janubiy Koreyadan tez yurar poyezdlar xarid qiladi

Bir yilda O’zbekistonda yo‘lovchi tashish sur’ati 106,0%ni tashkil etdi

Janubiy Koreyaning “Hyundai Rotem” kompaniyasi sotuv bo‘limi vakili Bosung Kim poytaxtda tashkil etilgan anjumanda O’zbekiston 6ta tez yurar poyezd xarid qilishini ma’lum qildi. Bu haqda UzA xabar qildi.

Transport vaziri Ilhom Maxkamov 2024-yilning dastlabki sakkiz oyida butun mamlakat bo‘ylab 4,2 mlrddan ortiq yo‘lovchi tashishga erishilganini va o‘sish sur’ati 2023-yilning shu davriga nisbatan 106,0%ni tashkil etganini ta’kidladi.

Shuningdek, Bosung Kim respublikaga 2011-yildagi tashrifidan bera, islohotlar natijasida yuz bergan ijobiy o‘zgarishlar O‘zbekiston misli ko‘rilmagan ulkan qadamlar tashlaganidan darak berishini aytib o’tdi.

Hyundai Rotem — jahon darajasidagi temir yo’l vagonlari xizmatlarining to’liq spektrini ishlab chiquvchi, ishlab chiqaruvchi va yetkazib beruvchi hisoblanadi.