Transport vazirligi: uchta viloyatga jami 32 ta yangi avtobuslar olib kelindi

Aprel oyida Navoiy viloyatiga yana 42 dona sotib olish rejalashtirilgan

Фото: Yutong

Transport vazirligi xabar berishicha, respublikaning bir necha viloyatlariga yangi avtobuslar olib kelinmoqda.

Xususan, 18-mart kuni brutto-shartnoma asosida Sirdaryo viloyatiga 12 dona, Navoiy viloyatiga esa 18 dona “ZHONGTONG” rusumli avtobuslar olib kelindi.

Aprel oyida Navoiy viloyatiga yana 42 dona YUTONG avtobuslari sotib olish rejalashtirilgani aytiladi xabarda.

Bundan tashqari, 19-mart kuni “Toshloq avto servis” korxonasi tomonidan shaharga Xitoy davlatida ishlab chiqarilgan “YUTONG” rusumli 12 dona zamonaviy avtobuslar sotib olingan.

Mazkur avtobuslar brutto-shartnoma asosida yo‘nalishlarga biriktiriladi. Joriy yil yakuniga qadar yana 60 dona avtobuslar olib kelish ko‘zda tutilgan.

Mart oyi boshida Angrenga 15 ta yangi avtobus keltirilgandi.

Shuningdek, yil davomida Toshkentga mingta yangi avtobus olib kelishini haqida xabar berilgandi.